Puis qu’ainsi est qu’il me fault vivre en dueil

Puis qu’ainsi est qu’il me fault vivre en dueil Et que jamais n’aurai bien en ce monde, Viegne la mort qui du mal me confonde, Qui si me tient et pour qui mourir vueil. Et delaissier bien dois quanque amer sueil, Si qu’en griefz pleurs mon doloreux cuer fonde, Puis qu’ainsi est qu’il me fault vivre en dueil. De tout maintien et contenance et dueil Dois bien sembler femme, en qui dueil habonde ; Car tant est grant le mal qui me suronde Que de la mort désir passer le sueil, Puis qu’ainsi est qu’il me fault vivre en dueil.