Puis qu’ainsi est que ne puis pourchacier

Puis qu’ainsi est que ne puis pourchacier Nulle merci vers vous, ma chère dame, De vous me pars, moult courroucié par m’ame. D’y plus venir ne me quier avancier, Car ce pourrait vous tourner a diffame Puis qu’ainsi est que ne puis pourchacier. Et si ne sais comment pourray laissier L’amour que j’ai a vous, qui si m’enflamme ; Mais du laissier ne me doit blâmer ame Puis qu’ainsi est que ne puis pourchacier.