Puis que le terme est passé

Hélas ! doulz loyaulx amis, En grant désir attendoie Le terme que m’aviez mis De retourner, mais ma joye Tourne en deuil : tout est cassé Le bon espoir que j’avoye, Puis que le terme est passé. Vous m’aviez dit et promis, Et aussi je l’esperoie, Que deux mois ou trois demis, Demourriez en cette voie, Dont je me doubt que lassé Vous soyez que plus vous voie, Puis que le terme est passé. Or est de tous poins desmis Le soulas qu’avoir soloie, En pensant que ja remis, Du retour fussiez en voie De venir ; mais effacé Est mon bien ; car trop m’anoie, Puis que le terme est passé.