Je suis de tout deuil assaillie

Je suis de tout deuil assaillie Et plus qu’oncques mais maubaillie, Quant celui se veut marier Que j’aimais sans varier, Si suis de joie en deuil saillie. Hélas ! il m’avait promis Que ja ne se marieroit, Quant tout mon cuer en lui mis, Et qu’a toujours tout mien seroit ; Mal eschange m’en a baillie, Car hors s’est mis de ma baillie ; Une autre veut apparier, Et encontre moi guerrier ; Puis que s’amour or m’est faillie Je suis de tout deuil assaillie. Celui devient mes ennemis Qui jadis vers moi se tiroit Comme mes vrais loyaux amis, En moi regardant souspiroit. Or est celle amour tressaillie En autre, et vers moi deffaillie ; Car ne lui puis, pour tarier, Sa volonté contrarier, Dont d’en mourir j’en suis taillie, Je suis de tout ducil assaillie.