Il a assez science acquise

Les roys, les princes et les sages, Et les preux du temps ancien, Ilz avaient tout plein d’usages, Dont l’en ne fait maintenant rien ; Ilz aimaient sur toute rien Honneur trop plus que convoitise. Mais adès qui garde le sien, Il a assez science acquise. Proece, honneur, grands vacelages Ot l’empereur Ottonien, Sage fu, prudent et moult larges, Pour ce de ses fais lui prist bien ; Mais qui tient cri destroit lien Son avoir, adès cil on prise, Quel que soit le nyce maintien, Il a assez science acquise. Et pour ce font de grands oultrages Les convoiteux de mal merrien Aux pouvres gens, et mains domages ; Mais jamais ne diroient « tien », Mais trop bien « ce cy sera mien » ; Qui de traire a soi sait la guise, Par flaterie ou par moyen, Il a assez science acquise.