La grant doulour que je porte

La grant doulour que je porte Est si âpre et si très forte Qu’il n’est riens qui conforter Me peüst ne apporter Joie, ains voudrais être morte, Puis que je pers mes amours, Mon ami, mon espérance Qui s’en va, dedans briefs jours, Hors du royaume de France Demourer, lasse ! il emporte Mon cuer qui se desconforte ; Bien se doit desconforter, Car jamais joie enorter Ne me peut, dont se deporte La grant doulour que je porte. Si n’aurai jamais secours Du mal qui met a oultrance Mon las cuer, qui noie en plours Pour la dure departance De cil qui euvre la porte De ma mort et qui m’enorte Desespoir, qui raporter Me vient deuil et enporter Ma joie, et deuil me raporte La grant doulour que je porte.