Il en pert a ma coulour

Qui a mal, souvent se plaint ; Car maladie le doit, Et pour ce sont mi complaint Doulereux, car chacun voit Comment tourmentée suis Pour amer, et ma doulour Nullement celer ne puis ; Il en pert a ma coulour. On connaît bien qui se faint ; Car qui grant griefté reçoipt, Le visage en a destaint. Se le cuer est fort destroit, Et pour ce mes griefs anuis Amenrissent ma vigour, Car repos n’ai jour ne nuys ; Il en pert a ma coulour. Mais cil, par qui j’ai mal maint, Ne sait, ne connaît, ne voit Comment mon cuer est attaint ; Hélas ! comment le sçaroit, Car je ne le vis depuis Demi an, mais son séjour De la mort m’ovrira l’uis Il en pert a ma coulour.