Que vigour et cuer me fault

Voulez vous donc que je meure, Trés belle, pour vous amer ? Hélas ! ou pourray je fuire, Se vo doulz cuer m’est amer ? Je ne me pourroye armer Contre amours qui si m’assault Que vigueur et cuer me fault. Pour Dieu ne me veuillez nuire, Trés douce estoille de mer Par qui je me vueil conduire ; Vous seule vueil reclamer, Veuillez moi ami clamer, Ou je vous diray tout hault Que vigour et cuer me fault. A vo vouloir me vueil duire. Et de tous poins confirmer ; Autre ne me puet deduire. Si m’i fault du tout fermer, Sans nul jour me deffermer De vous, dont j’ai tel deffault Que vigour et cuer me fault.