Mon gracieux réconfort

Mon gracieux réconfort, Mon ressort, Mon ami loyal et vrai, De ma joie le droit port, Et le port Que toudis, tant com vivray, Poursuivray. En vous, dont je me navray, Mon vivre ai Mis, et jusques a la mort Jamais autre ami n’avray, Ce devray Faire, et j’en ai doulz enort. Car par vo gracieux port, Que je port En mon cuer, je recevray Joie, plaisir et confort, Ne de fort Amer ne vous decevray ; Si avray Mon gracieux réconfort. Ne oncques ne dessevray Ne seuvray Mon cuer de loyal acort, Et toudis, si com savray, M’esmouvray A vivre en ce doulz recort Car tant me vient doulz raport, Sans nul tort, De vous, que j’apercevray Que vivre sans déconfort Dois au fort ; Et pour ce joie ensuivray, Et suivray Mon gracieux réconfort.