Assez louer, ma redoutée dame

Haute, puissant, trés louée Princece, Bonne et belle, vaillant de tous nommée, Pleine de sens, d’honneur et de noblesse, Et en maint lieux redoublée et aimée, Par le monde trés excellant clamée, Et parfaitte toute de corps et d’ame, On ne pourrait votre grant renommée Assez louer, ma redoutée dame. Acomparera Pallas la déesse, Et a Junon qui tant est reclamée, Certes vous puis, pour votre grant sagece ; Et pour la trés riche honneur affermée Ou vous êtes, ne jamais extimée Votre valeur ne pourrait être de ame N’escripture, fut en prose ou rimée, Assez louer, ma redoutée dame. Semiramis ressemblez de largece Qui fu si preux et tant est reclamée, Et de purté la trés belle Lucrèce, La rommaine de grant constance armée, De loyaulté Hester la non blasmée. En touz estaz, plus que nulle autre femme, On ne vous puet, tant êtes bien formée, Assez louer, ma redoutée dame. Trés excellent en grace confermée. De vous partout cuert si trés noble famé Qu’on ne vous puet, c’est bien chose informée, Assez louer, ma redoutée dame.