Ballade LXXI

J’oy estrangement Plusieurs gens parler, Qui trop mollement Se plaingnent d’amer ; Car, legierement. Sans paine porter, Vouldroient, briefment, À fin amener Tout leur pensement. C’est fait follement D’ainsi désirer ; Car qui loyaument Veulent acquester Bon guerdonnement, Maint mal endurer Leur fault, et souvent À rebours trouver Tout leur pensement. S’Amour humblement Veulent honnourer, Et soingneusement Servir, sans faulser ; Des biens largement Leur fera donner ; Mais, premièrement, Il veut esprouver Tout leur pensement.