Car qui est bon doit être appellé riche

Assez acquiert trésor et seigneurie, Trés noble avoir et grant richece amasse, Qui par bonté, qui nul temps n’est perie, Acquiert honneur, bon renom, loz et grace. Car ou monde n’est chose qui ne passe Fors que bienfait, tout ne vaut une miche Autre trésor ne chose que l’en brace ; Car qui est bon doit être appelle riche. Et bonté faitte est haultement merie. Car Dieu le rend, et qui le bien porchace Acquiert honnour, soit en chevalerie Ou autre estât, qui des bons suit la trace. Loz doit avoir sur tous en toute place Qui es vertus du tout son cuer affiche ; Tel trésor a que fortune n’efface ; Car qui est bon doit être appelle riche. Ne l’en ne doit une pomme pourrie Riche mauvais prisier, quoi qu’il embrace, Ne lui louer ; car c’est grant desverie De loz donner a mauvais, quoi qu’il face ; Mais au vaillant, qui a tout honneur chace, Apartient loz, s’il n’est aver ne chiche, Des biens qu’il a soit large en deue place ; Car qui est bon doit être appelle riche. Princes vaillants et de gentil attrace, Ne souffrez pas vaillantise être en friche ; Poursuivez la, ne vous chaut d’or en masse ; Car qui est bon doit être appelle riche.