Dame, qu’a vous servir j’entende

Je ne suis pas votre pareil, Car vous êtes la non pareille Du monde, belle sans orgueil, A qui servir je m’appareille ; Mais sachiez qu’Amours me traveille Pour votre amour et me commande, Dame, qu’a vous servir j’entende. Si oiez le plaint de mon dueil En pitié, de vo douce oreille ; Et prenez garde que je vueil Être tout votre, et ja ne veuille Votre doulz cuer que tant me dueille, Ains lui plaise affin que j’amende, Dame, qu’a vous servir j’entende. Regardez moi de vo doulz oeil, Dame, car je tremble comme fueille, Présent vous, ne passer le sueil N’ose que vo corrouz n’acueille, Votre grant valour ne s’orgueille Contre moi, ains tel bien me rende, Dame, qu’a vous servir j’entende.