De faire ami, ne d’amer

Long temps a que je perdi Tout mon soulas et ma joye, Par la mort que je maudi Souvent ; car mis m’a en voie De jamais nul bien avoir ; Si m’en dois par droit blâmer ; N’oncques puis je n’oz vouloir De faire ami, ne d’amer. Ne sais qu’en deux ne fendi Mon cuer, du deuil que j’avoye Trop plus grant que je ne dis, Ne que dire ne sçaroye, Encor mettre en nonchaloir Ne puis mon corroux amer ; N’oncques puis je n’oz vouloir De faire ami, ne d’amer. Depuis lors je n’entendi A mener soulas ne joye ; Si en est tout arudi Le sentement que j’avoye. Car je perdi tout l’espoir Ou me souloie affermer. N’oncques puis je n’oz vouloir De faire ami, ne d’amer.