Dame, pour Dieu, merci vous ciy

Dame, oncques mais je ne vous vi Que maintenant ; mais, sans mentir, Mon cuer avez du tout ravi A toujours mais, sans departir. Si me fauldra mains maux sentir, Se m’escondissiez ; ce vous pry. Dame, pour Dieu, merci vous cry. Grandement m’arez assouvi, S’il vous plaît a moi consentir Votre amour, et je vous plevi Que tout votre, sans alentir, Suis et seray, n’en quier partir. A jointes mains je vous depry ; Dame, pour Dieu, merci vous cry. Durement m’ara asservi, Votre beaulté qui amatir Fera mes ris, et assouvi Sera mon bien ; se assentir Voulez ma mort, comme martir Me mourrai ; si oyez mon cry : Dame, pour Dieu, merci vous cry.