Combien qu’adès ne vous voie

Combien qu’adès ne vous voie, Simple et coye Ou est ma joie, Quej’aime et serfs loiaument, Ne pourroie nullement, Vivre se je vous perdoie. Car sans vous je ne pourroie Ne saroie Ne vouldroie Vivre un jour tant seulement, Combien qu’adès ne vous voie. Et si sachiez toutevoie Que j’emploie, Ou que je soye, En vous tout mon pensement ; Car il n’est avancement Qui me venist d’autre voie, Combien qu’adès ne vous voie.