Et Dieux vous doint leur bon droit soutenir

Bon chevalier, ou tous biens sont compris, Noble, vaillant et de royal lignage, Qui par valeur avez armes empris, Dont vous portez la dame en verde targe Pour demonstrer que de hardi visage Vous vous voulez pour les dames tenir Contre ceux qui leur porteront dommage, Et Dieux vous doint leur bon droit soutenir ! Dieux et pitié vous ont tout ce appris Et la valeur de vo noble courage, Et certes moult en croistra votre pris, Et paradis arez a héritage. Car aux dames pluseurs font maint outrage, C’est aumosne de leur droit maintenir ; Si le ferez comme vaillant et sage, Et Dieux vous doint leur bon droit soutenir ! Or ai espoir que ceux qui ont mespris Vers les dames de fait et de langage Si se rendront comme las et despris ; D’or en avant n’aront pas l’avantage, Confus seront par votre vacellage, A tel baron doit bien apartenir Que des dames soit aimé par usage, Et Dieux vous doint leur bop. droit soutenir ! Mon redoubté seigneur, soubz votre hommage, Je vous suppli, me veuillez retenir, Car les vesves garderez de servage, Et Dieux vous doint leur bon droit soutenir !