Et honneur en toutes querelles

A les chevaliers aux dames, Humble recommendacion De par moi la mendre des femmes, Priant Dieu que l’affection, Qu’avez en bonne entencion De vouloir garder le droit d’elles, Vous doint mettre a perfection Et honneur en toutes querelles. Car le sauvement de vos ames Ferez, et sera mencion A toujours de vos belles armes ; De revenchier l’extorcion Et d’être la deffension De femmes vesves et pucelles ; Si en arez salvacion Et honneur en toutes querelles. Or vient le temps que, les diffames Et la grant murmuracion Que maint disent d’elles, et blasmes, Sans avoir nulle occasion, Yert par vous a destruction. Si prieront les damoiselles Que Dieux vous doint remission Et honneur en toutes querelles. Priez Dieu par devocion Pour les bons, toutes jovencelles, Qui ont noble condicion Et honneur en toutes querelles.