De tous amans je suis le plus joyeux

De tous amans je suis le plus joyeux, Puis qu’envers moi s’est ma dame acoisiée, Qui contre mi si mal ere apaisiée Que je n’osoie aller devant ses yeulx. Puis qu’elle a fait la paix, or me va mieulx, Et qu’il lui plaît que je l’aie baisiée De tous amans je suis le plus joyeux. Moult m’a été son courroux anieux Et a porter la doulour mesaisiée, Mais or suis liez quant elle est amaisiée ; Puis qu’ainsi va, et louez en soit Dieux, De tous amans je suis le plus joyeux.