De triste cuer chanter joyeusement
Christine de Pizan
Rondeaux
DE triste cuer chanter joyeusement
Et rire en deuil c’est chose fort a faire,
De son penser montrer tout le contraire,
N’yssir doulz ris de doulent sentement,
Ainsi me fault faire communement,
Et me convient, pour celer mon affaire.
De triste cuer chanter joyeusement.
Car en mon cuer porte couvertement
Le deuil qui soit qui plus me puet desplaire,
Et si me fault, pour les gens faire taire,
Rire en plorant et trés amerement
De triste cuer chanter joyeusement.