Je vous laisse mon cuer en gage

Douce dame, a Dieu vous command, Aller m’en fault, dont il me poise, Cent fois a vous me recommand, Et vous suppli, douce et courtoise, Ne m’oubliez ou que je voise ; Et pour retour de ce voiage, Je vous laisse mon cuer en gage. — Amis, votre departement Petitement mon cuer renvoise, Et se m’oubliez nullement, Il ne sera nul qui racoise Mon dolent plour. A basse noise Vous dis a Dieu, et pour partage, Je vous laisse mon cuer en gage. — Belle, sachiez certainement Que, pour dame ne pour bourgoise, Ne vous oublieray vraiement ; D’autre amour ne donne une boise, Tôt revendray comment qu’il voise, Et de vous renvoier message, Je vous laisse mon cuer en gage.