Qui maintenir veut l’ordre a droite guise…

Sages et bons, gracieux et courtois, Doivent être par droit tous chevaliers ; Larges et frans, doulz, paisibles et cois, Pour acquerir honneur grands voiagiers, En fais d’armes entreprenans et fiers Droit soutenir et deffendre l’Église D’armes porter doit être leur métiers, Qui maintenir veut l’ordre a droite guise. Hanter les cours des princes et des roys, Les fais des bons recorder volontiers ; Être doivent d’orphelins et de lois Et des femmes deffendre coustumiers, Acompagnier les nobles estrangiers, Preux et hardiz et sans recreandise, Et voir disans, fermes, vrais et entiers, Qui maintenir veut l’ordre a droite guise. Et noblesse dont il est si grant voix Les doit tenir loyaux et droituriers ; Pour le renom qu’il est des bons françois Leur doit être tous pesants fais legiers, Ne orgueilleux, vanteurs ne losengiers Ne soient pas, car chacun trop desprise Si fais mahains, bourdeurs ne noveliers, Qui maintenir veut l’ordre a droite guise. Tels chevaliers doit on avoir moult chiers ; Dieu et les sains et le monde les prise. Or suive donc toudis si fais sentiers, Qui maintenir veut l’ordre a droite guise.