Junon me het et meseùr me nuit

Viegne Pallas, la déesse honnourable, Moi conforter en ma dure destresce, Ou mon anui et peine intollerable Mettront a fin ma vie en grant asprece. Car Fortune me cuert sure Qui tout mon bien destruit, rompt et deveure, Et pou d’espoir me destraint jour et nuit ; Junon me het et meseür me nuit. Ne je ne truis nul confort secourable A mon meschief, ainçois quant je me drece Vers quelque part ou voie réparable Deusse trouver, tout le rebours m’adresse, Et en vain peine et laboure ; Car Fortune despece tout en l’eure Quanque j’ai fait, ou me plaise ou m’anuit ; Junon me het et meseür me nuit. Et pour ce pri la haute vénérable Fille de Dieu, Pallas qui tous radrece Les desvoiez, qu’elle soit apparable En mes pensers, comme vraie maistrece Me dottrine et me secueure ; Diane soit avec elle a toute heure, Car de long temps me commence, yer n’anuit Junon me het et meseür me nuit. Princes, ains que mort m’acueure, Priez Pallas que pour mon bien accueure ; Car en tous cas, ou que j’aie réduit, Junon me het et meseür me nuit.