Par Dieu, c’est grant grâce

Le gracieux souvenir, Qui de vous me vient, Me fait gaiement tenir. Et il appertient, Car tout adés me souvient Comment votre bonté passe Tous autres, chacun le tient, Par Dieu, c’est grant grace. Joie dois bien maintenir, Quant si bien m’advient, Qu’amours mon cuer retenir, Dont plus lié devient, Vous a fait a qui advient Bien et bel en toute place Faire quanque honneur contient, Par Dieu, c’est grant grace. Ne mal ne me peut venir ; Car mon cuer maintient Qu’a joie puis avenir, Par vous qui retient Pense, dit, fait et detient Tout bien, et tout mal efface La bonté qui vous soustient, Par Dieu, c’est grant grace.