À pou que mon cuer ne font !

Quant je vois ces amoureux Tant de si doulz semblans faire L’un a l’autre, et savoureux Et doulz regards entretraire, Doucement rire, et eux traire A part, et les tours qu’ilz font, A pou que mon cuer ne font ! Car lors me souvient, pour eux, De cil, dont ne puis retraire Mon cuer qui est désireux Que ainsi le peusse attraire ; Mais le doulz et débonnaire Est loin, dont en deuil parfont A pou que mon cuer ne font ! Ainsi sera langoreux Mon cuer en ce grief contraire. Plein de pensers doloureux Jusques par deça repaire Cil qu’amours me fait tant plaire ; Mais du mal qui me confont A pou que mon cuer ne font ! Princes, je ne me puis taire, Quant je vois gent paire a paire Qui de joie se reffont, A pou que mon cuer ne font !