D’entreprendre armes et peine

Sénéchal vaillant et sage De Hainault, plein de valour, Chevalier ou vacellage Et prouece fait demour, Finerez vous jamais jour Par mainte terre lontaine D’entreprendre armes et peine ? Veut donc vo noble corage Vo beau corps mettre a doulour En péril de mort sauvage, Pour tousdis porsuivre honnour ? Est vo vueil que sans séjour Ainsi vo vie se peine D’entreprendre armes et peine ? Vous ne plaignez le domage Dont il s’ensuivroit maint plour Se Fortune et son outrage Vous jouoit de son faulx tour. Dieux vous en gard, qui tousjour A victoire vous amaine, D’entreprendre armes et peine. Mais je crois qu’en grant cremour Mettez celle, qui s’amour A du tout en vo demaine, D’entreprendre armes et peine.