En escrit y ai mis mon nom

Cent balades ai cy escriptes, Trestoutes de mon sentement. Si en sont mes promesses quites A qui m’en pria chierement. Nommée m’i suis proprement ; Qui le voudra savoir ou non, En la centiesme entièrement En escrit y ai mis mon nom. Si prie ceux qui les auront littes, Et qui les liront ensement, Et partout ou ilz seront dittes, Qu’on le tiengne a esbatement, Sans y gloser mauvaisement ; Car je n’y pense se bien non, Et au dernier ver proprement En escrit y ai mis mon nom. Ne les ai faites pour merites Avoir, ne aucun paiement ; Mais en mes pensées eslittes Les ai, et bien petitement Souffiroit mon entendement Les faire dignes de renom, Non pour tant desrenierement En escrit y ai mis mon nom.