En plains, en pleurs me fault user mon temps.

En plains, en pleurs me fault user mon temps, Se de vous n’ai, dame, aucun réconfort Mieulx me vauldroit briefment mourir au fort Que soutenir la douleur que j’attends. Pour vous, Belle, je me morray par temps, Et sachiez bien qu’en trop grant déconfort, En plains, en pleurs me fault user mon temps. Et se vo trés doulz cuer est consentens, Que je meure, certes ce serait fort De reschaper contre si grant effort ; Car vraiement, se vivoie cent ans, En plains, en pleurs me fault user mon temps.