Et ce vous fait tout le monde plaire

Des trés bonnes celle qui vaut le mieux, Assouvie sur toute damoiselle, Non pareille, telle vous fourma Dieux, Pleine de sens, de haute honneur et belle, Toutes passez A mon avis, et crois que vous pensez Toudis comment vous soiez exemplaire De toute honneur qui tant en amassés, Et ce vous fait a tout le monde plaire. Redoublée princece, ou biens sont tieulx Que un chacun parfaitte vous appelle. De qui servir mon cuer est envieux. Plus qu’autre riens, certes vous êtes celle Qui enlascez Mon cuer en vous, sans ja être lassez. Mais se pou vail, ne vous veuille desplaire. Car vous valez pour un royaume assez, Et ce vous fait a tout le monde plaire. Douce, plaisant, corps gent et gracieux, Flun de douceur, blanche com noif novele, Le doulz regart de vos amoureux yeulz Livre a mon cuer Tamoureuse étincelle, Dont embrasez Il est d’amer et toudis a pensez De vous servir, n’en demande salaire Fors le regart que doucement lancez, Et ce vous fait a tout le monde plaire. Trés belle, en qui tous maux sont effacez, Je ne désir fors vo doulz plaisir faire ; Car tous les biens sont en vous entassez, Et ce vous fait a tout le monde plaire.