Amours le veut et la saison le doit (Trés humblement, dames et damoiselles)

Trés humblement, dames et damoiselles, Me recommand a votre gentillece, Et de par moi sachiez, bonnes et belles, Qu’Amours a fait crier de sa richece Ce jour de May joie, et a grant largece Roses et flours qu’yvers chères vendoit, Et que vos cœurs vous teniez sans tristece, Amours le veut et la saison le doit. Et doulz deduit anonce ces nouvelles, Et qu’il n’y ait nulle si grant maîtresse Qui a l’amant reffuse ses querelles, Voire en honneur et en toute noblesse, Sans que renom ne loyauté on blesse, Car tort aurait se plus en demandoit ; Mais qu’ottroiez bel accueil en simplece, Amours le veut et la saison le doit. Et si commande aux jeunetes pucelles Chapeaux de flours dessus la blonde trece, Jouer, dancer en prés sus fontenelies Simpletement, de maintien en humblece ; Rire, chanter, fuir deuil et desirece ; Car jeune cuer, se liesse perdoit, Il serait mort, si l’ayez sans parece, Amours le veut et la saison le doit. Belles plaisants dames de grant hautece, Je vi Deduit qui grant oudeur rendoit Et haultement crioit : « Ayez leesce ! Amours le veut et la saison le doit. »