Se les fables disent voir

Jadis par amours aimaient Et les dieux et les deesses, Ce dit Ovide, et avaient Pour amours maintes destresses : Foi, loyauté et promesses Tenoient sans décevoir, Se les fables disent voir. Et du ciel jus descendoient, Non obstant leurs grands hauteces, Et a être aimez queroient Les haulz dieux pleins de nobleces ; Pour amours leurs grands richeces Mettoient en nonchaloir, Se les fables disent voir. Lors si trés contrains estoient, Nymphes et enchanterresses, Et les dieux qui lors regnoient, Satirielz et maistresses, D’amours, qu’a trop grands largeces Mettoient corps et avoir, Se les fables disent voir. Pour ce, princes et princepces Doivent amer et savoir D’amours toutes les adresces, Se les fables disent voir.