Se vous me faites tel grief

Se vous me donnez congié Par conseil de mesdisans, Dame que servie j’é Par l’espace de dix ans, Au lit me mettrez gisans : N’oncques ne m’amastes brief, Se vous me faites tel grief. N’ai desservi qu’estrangié Soye, mon devoir faisans, Et se je suis deslogié Pour autre moins souffisans, Qui a vous soit plus plaisants, Sur lui vendra le meschief, Se vous me faites tel grief. Vo cuer est vers moi changié ; Car tousdis par moz cuisans Je suis de vous laidengié, Com je fusse un païsans ; Mais je crois que mes nuisans Leur part aront du relief, Se vous me faites tel grief.