À il doncques tel guerredon ?

Amours ! Amours ! ce m’as tu fait, Qui m’as mis en si dur parti. Se ne te feis je oncques meffait, Et si ai tant de maux parti Largement m’en as departi ; Et qui te fait de son cuer don, A il doncques tel guerredon ? Ton soulas est bien contrefait, Il s’est de moi tôt departi, Contre le bien mal me reffait ; En grant doulour s’est converti, Tu m’occis sans dire « gar t’y ! » Va il ainsi qui te sert don, A il doncques tel guerredon ? Et pour quoi, ne pour quel tort fait, M’as tu un tel ami sorti, Qui ma vie et mes jours deffait ? Car par lui suis en tel parti Que tout mon sens est amorti. Qui tu esprens de ton brandon, A il doncques tel guerredon ?