Ainsi sera grance en vous assouvie

Vrays amoureux, jeunes, jolis et gais, Qui desirez a monter en haut pris, Ayez les cœurs nobles, doulz et en paix, Blasme et mesdit soit de vous en despris, D’acquerre honneur soiez chaulx et épris, Courtois, loyaux, sages et gracieux, Et beaulx parliers, larges, n’ayez envie, Portez honneur aux vaillants et aux vieulx ; Ainsi sera grace en vous assouvie. Ne vous chaud ja s’êtes ou beaux ou lais, Granz ou petiz, ja n’en serez repris, Mais que renom tesmoigne vos bons fais, Et ques soiez en toute honneur appris. Du fait d’autrui ne parlez en mespris, Votre maintien soit bel, et en tous lieux Soit plaisamment dame de vous servie, Esbatez vous a honnourables jeux Ainsi sera grace en vous assouvie. Suivez les bons, ne vous vantez jamais, Ne a mentir souvent n’ayez appris, Et volontiers d’armes portez le fais ; Qui ce métier faire a entrepris Nul ne blasmez, comment qu’il vous soit pris, Dieu et les sains et les saintes des cieulx Aimez, servez trestoute votre vie, Et en tous cas vous en sera de mieulx, Ainsi sera grace en vous assouvie. Gentiz amans, or soiez doncques tieulx, Et deshonneur sera de vous ravie. Les fais des bons ayez devant les yeulx, Ainsi sera grace en vous assouvie.