Visage doulz, plaisant, ou je me mire

Visage doulz, plaisant, ou je me mire, De grant beaulté le parfait exemplaire, Moult suis joyeux et lié quant vous remire. Ne il n’est riens qui me peüst suffire Sans vous veoir, et bien me devez plaire, Visage doulz, plaisant, ou je me mire. Car ou monde l’en ne pourrait élire Nul si trés bel, et je ne me puis taire De vous louer, si me fault souvent dire : Visage doulz, plaisant, ou je me mire.