Source de plour, rivière de tristece

Source de plour, rivière de tristece, Flun de doulour, mer d’amertume pleine M’avironnent et noyent en grant peine Mon pouvre cuer qui trop sent de destresce. Si m’affondent et plungent en asprece ; Car parmi moi cuerent plus fort que Saine Source de plour, rivière de tristece. Et leurs grands floz cheent a grant largece, Si com le vent de Fortune les mène, Tous dessus moi, dont si bas suis qu’a peine Releveray, tant durement m’oppresse Source de plour, rivière de tristece.