Tout en pensant a la beauté, ma dame

Tout en pensant a la beauté, ma dame. Qu’on ne pourrait prisier souffisament. Ce rondellet ai fait présentement ; Car mon penser n’est ailleurs, par mon ame. Se je l’ai fait ne s’en esmerveille ame, Car survenu m’en est lesentement Tout en pensant a la beauté, ma dame. De vraie amour, qui mon cuer tout enflamme, Est tout venu le doulz enortement Qui esjoïst mon cuer trop grandement, Dont suis plus gai que oyselet sus la rame, Tout en pensant a la beauté, ma dame.