Sage maintien, parement de beauté

Sage maintien, parement de beauté, Assis en corps digne de grant louenge, Cuer ferme et vrai, qui nulle heure ne change, En celle maint en qui j’ai feaulté. Trés grant honneur, grant grace et leaulté Si la conduit et nulle heure n’étrange, Sage maintien, parement de beauté. Cuer noble et haut sans raim de cruauté, Humilité qui nullui ne laidenge, Et assez a la belle comme un ange, Pour gouverner une grant royaulté, Sage maintien, parement de beauté.