Com turtre suis sans per toute seulette

Com turtre suis sans per toute seulette Et com brebis sans pastour esgarée ; Car par la mort fus jadis séparée De mon doulz per, qu’a toute heure regrette. Il a sept ans que le perdi, lassette, Mieulx me vaulsist être lors enterrée ! Com turtre suis sans per toute seulette. Car depuis lors en deuil et en souffrete Et en meschief trés grief suis demeurée. Ne n’ai espoir, tant com j’aré durée. D’avoir soulas qui en joie me mette ; Com turtre suis sans per toute seulette.