Ce premier jour que l’an se renouvelle

Noble vaillant, chevalier de grant pris, Mon cher seigneur, de France connestable, En qui prouesse et tous biens sont compris, De Dieu aimé et au monde agreable, Loyal en foi, baron trés honnorable, Je pri a Dieu et a la Vierge belle Qu’il vous octroit joie et bien permanable Ce premier jour que l’an se renouvelle. Par bon renom qui queurt en tout pourpris De vous, seigneur, de constance inmuable Le mien cuer est de grant désir épris De faire a vous plaisir, si solvable Estoie que de vous fût acceptable. Mon chier seigneur, comme de votre ancelle. Si l’ait a gré vo bon cuer charitable Ce premier jour que l’an se renouvelle Humble seigneur, si n’ayez en despris Mon bon vouloir, tout soit il pou valable Et pardonner me veuillez se mespris D’escrire a vous, personne si notable, Je ai, moi femme ignorant non savable, Mais volontiers je diroye nouvelle Qui resjouïst vo bon cuer amiable Ce premier jour que l’an se renouvelle. Mon cher Seigneur puissant et redoutable, Prenez en gré ma ballade nouvelle, Que Dieux vous doint tout soulaz delitable Ce premier jour que l’an se renouvelle.