De meschief, d’anui, de peine

De meschief, d’anui, de peine, Je fais dis communément, Car selon mon sentement Sont, et de chose certaine ; Mais quant d’autrui volonté Faire dis me vueil chargier, De cuer mal entalenté Les me fault si loin cerchier, Et de pensée foraine ; Pour ce y metz je longuement : C’est un droit controuvement ; Car a toute heure suis pleine De meschief, d’anui, de peine. Et se le cuer dolent é Il ne m’est mie legier Joyeux dits faire a planté, Mais pour un pou alegier La doulour qui m’est prochaine Je les fais communement Joyeux, trestout ensement, Comme se je fusse saine De meschief, d’anui, de peine.