Las ! que ferai, douice dame, sans vous ?

Hélas ! ma dame, il me fault eslogner De vo beaulté, dont le cuer trop me deult. Si m’assauldront tous maux sans espargnier, Car plus vous aime que Tristan belle Ysseult, Belle, ou sont tuit mi ressort. Or deffauldront mi gracieux deport ; Car vous êtes mon réconfort sur tous, Las ! que ferai, douce dame, sans vous ? Et tous les jours faudra en pleurs bagner Mon pouvre cuer, qui trop de mal recueult ; Car autre bien ne convoite a gaigner Fors vous, belle, ce demande et ce veut. Si suis en grant déconfort ; Car je ne puis vivre sans vous au fort, N’être de mort par nulle autre rescous, Las ! que ferai, douce dame, sans vous ? Le departir je dois bien ressongner, Par quoi perdray ce qu’esjoïr me seult : C’est vo douceur quant lui plaît a daigner Moi conforter, et doucement m’acueult ; Or n’en aurai réconfort, Dont grief doulour trop durement me mort ; Or suis je bien de tous biens au dessoubz, Las ! que ferai, douce dame, sans vous ?