Puisqu’il m’a mis en nonchaloir

Jamais a moi plus ne s’attende, Celui a qui plus ne m’attends, Puis que vers moi ne vient ne mende. Attendu l’ai deux ans par temps, Plus ne m’en quier donner mau temps Folie m’en ferait douloir, Puis qu’il m’a mis en nonchaloir. Au vrai corps Dieu le recomende, Qui le gard de mauvais contens, Et de tout peril le deffende, Combien que plus je ne l’attends, Et a m’en retraire je tens : Et de ce fais je mon devoir, Puis qu’il m’a mis en nonchaloir. Mespris a vers moi, mais l’amende N’affiert pas de deniers contens, Mais du devoir qu’Amours comende. A ceux qui sont entremettans D’amours servir ; mais mal contens S’en tient mon cuer, a dire voir, Puis qu’il m’a mis en nonchaloir.