Vous en pourriez exillier

Vous en pourriez exillier Un millier Des amans par vo doulz oeil, Plains d’esveil, Qui ont fait maint fretillier Et veillier. Je m’en sens plus que ne sueil Et m’en dueil. Belle, qui bien traveillier Et pillier Savez cœurs a votre vueil, En recueil Vous en pourriez exillier. Mais bien savez pou baillier Et taillier Moins de Joie et plus de dueil Sur le sueil, Pour musars entortillier, Conseillier, Par votre attrayant acueil Sans orgueil Vous en pourriez exillier.