Ballade LXVIII

Belle, se ne m’osez donner De vos doux baisiers amoureux, Pour paour de Dangier courroucer, Qui toujours est fel et crueux ; J’en embleray bien ung ou deux ; Mais que n’y prenez desplaisir Et que le veuillez consentir, Maugré Dangier et ses conseulx. De ce faulx vilain aveugler. Dieu sait se j’en suis désireux ; Nul ne le peut aprivoiser, Tous temps est si soupeçonneux Qu’en penser languit doloreux Quant il voit Plaisance venir ; Mais elle se sait bien chevir, Maugré Dangier et ses conseulx. Quant estroit la cuide garder, Hardi Cueur, secret et eureux, S’avecques lui sait amener Avis Bon et Aventureux, Desguisé soubz Maintien Honteux, Bien pevent Dangier endormir ; Lors PIaisance fait son désir, Maugré Dangier et ses conseulx. Bien dessert guerdon plantureux Advis, qui sait si bien servir Au besoing et trouver loisir, Maugré Dangier et ses conseulx.