De son ami, désirant qu’il reviegne

Je pri a Dieu qu’il lui doint bonne nuit A la trés belle, ou sont tous mes reclaims, Et qu’il ne soit chose qui lui anuit, Fors seulement que d’elle si loin mains. Car de tel mal moult bien me plaît qu’atains Soit son doulz cuer, si qu’adès lui souviegne De son ami, desirant qu’il reviegne. C’est la plus belle et la meilleur, je cuid, Qui soit ou monde, et si suis tous certains Que loyauté du tout gouverne et duit Son noble cuer, qui n’est fier ne haultains, Ne de villain penser taché ne tains ; Si requier Dieu que nouvelles lui viegne De son ami, desirant qu’il reviegne. Ha ! que fusse je ores ou doux réduit, Ou elle maint, la porté ou ampains ! A lui serait et a moi grant deduit, Si seraient un pou nos maux estains ; Dieux ! que sceust elle au moins comment je l’aims ? Si le sçara, mais qu’on l’amour se tiegne De son ami, desirant qu’il reviegne.