Car je vous ai retenue a ma vie

Fleur des meilleurs, haute honnourée dame De tout mon cuer trés aimée et cherie. Bonne, saige, trés parfaitte et sans blasme, Hélas ! veuillez que par vous soit garie Ma dure paine, Appercevoir veuillez que je me paine De vous servir, ne je n’ai autre envie, Car je vous ai retenue a ma vie. Et de pieça me tient, car corps et ame, Pensée, amour soubz votre seigneurie Trés mon enffance y mis ne depuis ame Ne l’en osta, ne n’en sera garie, Chose est certaine, Ja ma douleur, fors par vous qui fontaine Êtes, dont puet ma joie être assouvie, Car je vous ai retenue a ma vie. Belle plaisant que mon cuer tant reclame, Par vo pitié vous plaise que ravie Soit l’ardure du désir qui m’enflamme. N’est ce pas droit que me soit remerie L’amour certaine Dont je vous aime, trés douce tresmontaine, Puis que serés toujours de moi servie, Car je vous ai retenue a ma vie. Ma souveraine Dame, aimez moi, car je vous acerlaine De n’en partir ja se je ne dévie, Car je vous ai retenue a ma vie.