Je m’en sais bien a quoi tenir

Amours, il est fol qui te croit, Ne qui a toi servir s’amuse ; Car qui mieulx te sert plus reçoit De grands anuis, et sa vie use A grant meschief qui s’i esluse ; Grant faissel lui fault soutenir, Je m’en sais bien a quoi tenir. Ton bel accueil chacun deçoit, Chacun attrait, nul ne reffuse, Assez promet et moult accroit ; Mais au payer trestous cabuse, Et pis y a, car on accuse Qui ta vie veut maintenir, Je m’en scay bien a quoi tenir. A la perfin chacun le voit, Ton fait n’est fors que droitte ruse. Et s’au commencer on savoit Comment la fin on est confuse, Tel s’en retrairoit qui y muse ; Mais on ne s’i sait contenir, Je m’en sais bien a quoi tenir.