Mais vous parlez comme gent pleins d’envie

Du mal d’amours soiez vous tourmentez, Vous qui parlez sus les vrais amoureux ! De les blâmer je dis que vous mentez. D’eux diffamer, ne médire sur eux, Car bonne gent sont et beneüreux D’avoir empris si gracieuse vie ; Mais vous parlez comme gent pleins d’envie. Car il n’est nul si villain, n’en doubtez, S’il a gousté des doulz biens savoreux Qu’Amours depart a ceux qu’il a domtez, Que tout gentil, puissant et vigoreux Il n’en deviegne et de biens plantureux. Tache de mal est d’eux du tout ravie ; Mais vous parlez comme gent pleins d’envie. De mieulx valoir qu’ilz ne font vous vantez, Faulx mesdisans, villains, maleüreux, Qui en tous lieux êtes si deboutez, Que chacun fait de vous le dongereux ; Faillis, lasches êtes et paoureux, Et en eux est toute grace assouvie ; Mais vous parlez comme gent pleins d’envie.