Vous me ferez d’environ vous foïr

N’en parlez plus, je ne vueil point amer ; Sire, pour Dieu veuillez vous en retraire, Ne me devez ne haïr ne blâmer, Se je ne vueil a nul en tel cas plaire ; Hélas ! pour Dieu, veuillez vous ent retraire. Car plus ne vueil telle complainte oïr ; Vous me ferez d’environ vous foïr. Par tels semblans me feriez diffamer ; A vous serait grant pechié de ce faire. Ja vont pluseurs partout dire et semer, Que cy entour vous n’avez riens que faire, Et si n’est nul qui autant y repaire ; Mais se vous vois de tel plait esjouïr, Vous me ferez denviron vous fouïr. Il n’est chanteur, ne sereine de mer, Qui cœurs de gens scevent si bien soubtraire, Ne beau parler, prier, ne reclamer, Qui me feïst a telle amour attraire, Si vous suppli que vous en veuillez taire ; Car s’autrement ne puis de ce joïr, Vous me ferez d’environ vous foïr.